Í kvøld var lutakast til hálvfinalurnar í steypakappingini hjá kvinnum. Og tað gjørdist greitt, at okkara kvinnur skulu spæla ímóti 07 Vestur. Í hinari hálvfinaluni møtast NSÍ og B36.
Fyrri dysturin verður á útivølli 6. oktober, meðan returdysturin á heimavølli verður 30. oktober.
Finalan verður spæld á Tórsvølli 6. november.
Seinast kvinnurnar vunnu steypakappingina var í 2019, tá tær í finaluni vunnu 3-0 ímóti EB/Streymi/Skála.
