Tá ein góður hálvur tími var spældur ímóti Víkingi, varð Dan skiftur út við skaða. Hann fór haltandi av vøllinum, og boðini eru tíverri, at tað er eitt brot í høgra fóti.
Í fyrstu atløgu skal hann hava stuðulsstivla á fótinum í tvær vikur. Brotið skal hava tíð at lekjast, og fyrstu tíðina skal hann ikki venja við kontakt. Ilt er at seta tíð á nær hann verður á vøllinum aftur, men talan verður í hvussu er um nakrar vikur. Harvið missur hann í øllum førum Champions League dystirnar.
Vit ynskja Dan góðan bata, og vóna at síggja hann aftur á vøllinum skjótt, í einari sterkari útgávu.
Mynd: portal.fo
